Bukuroshja Afërdita Dreshaj tash e disa muaj është e fejuar me hokeistin e njohur çek, Jakub Kindl.
Dyshja në fjalë ka vite që janë së bashku dhe jetojnë në Shtetet e Bashkuara të Amerikës.
Në vetëm pak muaj, ata do të kurorëzojnë dashurinë e tyre me martesë, dhe këtë gjë e ka bërë të ditur së fundmi vet Dreshaj përmes një fotografie të publikuar në InstaStory.
Afërdita ka shfaqur një imazh të të fejuarit të saj, teksa shkruan në mbishkrimin e fotografisë se edhe 84 ditë ai do të bëhet burri i saj.
E në 84 ditët e llogaritura, data e martesës i bie të jetë 29 qershor, me çka modelja ka zbuluar se vetëm dy muaj na ndajnë nga dasma e saj.
Ajo nuk ka zbuluar detaje të tjera, si përshembull lokacioni ku do të zhvillohet martesa e tyre, megjithatë e rëndësishme është që çifti po bëjnë një tjetër hap të madh në jetën e tyre. /Telegrafi/
