Air Force One u nis nga Athina në orën 15:04. Mbërritja e tij në aeroportin e Berlinit u shty pak për shkak të motit të keq.
Aeroplani i Presidentit, Barack Obama u ul rreth orës 17:51 në pjesë ushtarake të aeroportit.
Rreth 15 minuta më pas Obama doli nga avioni dhe u prit nga përfaqësues të qeverisë federale, ambasada amerikane dhe Forcat e Armatosura Gjermane.
Më pas eskorta e tij u drejtua për në hotelin luksoz “Adlon”, ku presidenti do të takohet në darkë me Kancelaren, Angela Merkel, raporton panorama.
Vizita e Obamës në Gjermani është pjesë e turit të tij të fundit si Presidenti i SHBA-ve pasi mandati i tij përfundon më 20 janar.
