Një aeroplan që po udhëtonte drejt aeroportit Heathrow të Londrës, ka devijuar fluturimin pasi raportohet se ishte goditur nga rrufeja.
Aeroplani i aviokompanisë British Airways i cili po udhëtonte nga Shtutgarti i Gjermanisë, u detyrua të ulet në aeroportin Gatwick pasi u godit nga rrufeja gjatë fluturimit, transmeton Telegrafi.
British Airways konfirmoi për Sky News se fluturakja e tyre devijoi fluturimin si pasojë e kushteve atmosferike pa dhënë detaje lidhur me rastin, transmeton Telegrafi.
Nuk raportohet për të lënduar apo dëme në fluturake, ndërsa një video amatore shfaq momentin kur rrufeja godet direkt aeroplanin gjatë fluturimit.
Goditja e fluturakeve nga rrufeja nuk është diçka e pazakontë, dhe në shumicën e rasteve nuk shkaktojnë ndonjë problem. /Telegrafi/