Aeroplanët amerikanë F-15 u ulën në një bazë ajrore polake, pohoi ministri polak i mbrojtjes, në një kohë kur NATO po forcon praninë e ushtarake në krahun lindor në kontekstin e tensioneve midis Ukrainës dhe Rusisë.
Aeroplanët arritën në një kohë kur trupat shtesë amerikane dhe britanike u vendosën në Poloni dhe kryeministri britanik, Boris Johnson gjithashtu vizitoi vendin në shenjë solidariteti.
“Luftëtarët amerikanë F-15 kanë mbërritur sot në bazën ajrore Lasko, ata do të ofrojnë mbështetje për krahun lindor si pjesë e misionit të mbrojtjes së hapësirës ajrore të NATO-s”, njoftoi ministri Mariusz Blaszczak në Twitter.
Dziś do bazy lotniczej w Łasku przybyły amerykańskie myśliwce F15, które wesprą wschodnią flankę w ramach misji #NATOAirPolicing pic.twitter.com/QwmR69qIGc
— Mariusz Błaszczak (@mblaszczak) February 10, 2022
Ministri i Mbrojtjes nuk tha sesa aeroplanë u ulën në bazën ajrore. Në Balltik u dërguan edhe aeroplanë amerikanë F-15.
Sekretari britanik i Mbrojtjes, Ben Wallace tha të enjten se Londra mund të dërgojë trupa shtesë në Evropën Lindore nëse është e nevojshme, pasi njoftoi të hënën se do të dërgonte 350 trupa në Poloni.
Rusia ka vendosur qindra mijëra trupa në kufirin e Ukrainës, por mohon planifikimin e një pushtimi. /Telegrafi/