Nënkryetari i Unitetit, Zulfi Adili deklaroi për agjencinë e lajmeve INA se nuk do të marr pjesë në takimin e sotëm të thirrur nga lideri i Lëvizjes Besa, Bilall Kasami për bashkëpunimn e partive të reja.
Lëvizja BESA bashkë me RDK-në e Fadil Zendelit i kanë drejtuar një ftesë publike liderëve të dy partive tjera opozitare LR-PDSH dhe Uniteti, për takim të përbashkët rreth bashkëpunimit të mundshëm për zgjedhjet e parakohshme.
Takimi është thirrur për sot, në hotel “Aleksandar Palace”, ku siç thuhet në agjendë do të jetë mundësia e bashkëpunimit për zgjedhjet e 11 dhjetorit.
Mbrëmë edhe LR-PDSH e Ziadin Selës, nëpërmjet kryetarit Sela e vendosi që mos të merr pjesë në këtë takim, pasi e vlerësoi si ultimatum dhe shantazh./Telegrafi/
