Këngëtarja e njohur Adelina Ismaili këtë vit shënoi rikthimin e saj në muzikë me projektin e ri “T’iqja”.
Kjo këngë u prit mirë nga publiku i saj, gjersa tani ajo i është rikthyer edhe koncerteve duke mbajtur mbrëmje të shumta muzikore në mbarë trevat shqiptare.
Adelina tashmë po jeton në Prishtinë me bashkëshortin dhe djalin e saj të vogël, Uliksin.
Duke qenë një personazh publik, shpesh është e rrethuar nga mediat, por privatësia për këngëtaren Ismaili mbetet luks, kështu së paku ka bërë të ditur ajo së fundmi.
Ismaili publikoi një shkrim në InstaStory, ku citonte: “Privatësia, është luksi im ultim”.
Si nënë tashmë, Adelinës i pëlqen t’i shijojë ditët pranë familjes, të cilën gjithmonë e ka cilësuar gjënë më të shtrenjtë.
Muajt në vazhdim pritet që këngëtarja të sjellë për fansat një tjetër projekt të ri muzikor. /Telegrafi/