Këngëtarja e njohur, Adelina Ismaili, këtë vit së bashku me bashkëshortin dhe djalin e saj, u shpërngulën në Kosovë, pas një jetese disa vjeçare në Zvicër.
Me të ardhur këtu, Adelina iu rikthyer muzikës, duke publikuar projektin e ri muzikor “T’iqja”, këngë e cila u prit shumë mirë nga publiku.
Gjatë verës ajo ishte shumë e angazhuar me koncerte, e ndërsa duket se e ka gjetur veten më së miri me rikthimin e saj në Prishtinë.
Por me një fakt të hidhur, diva nuk po mund të pajtohet?
E ajo është gjendja e vështirë ekonomike që shqiptarët e Kosovës vazhdojnë ta kenë, gjendje e cila mund të vërehet lehtësisht nga fëmijët e shumtë që lypin ose bëjnë punë të rënda në rrugë.
Adelina ndau me fansat sot disa imazhe në InstaStory, ku shfaqet disa nga këta fëmijë që rastësisht i ka takuar në rrugë.
“Prishtinë, Kosovë, 2018”, ka shkruar ajo në mbishkrimin e fotografisë, duke lënë kështu të kuptohet se nuk është aspak e kënaqur me gjendjen ekonomike të popullit, e cila nuk përkon me vitin në të cilin ndodhemi.
Në karrierën e saj të gjatë ndër vite, Ismaili i ka kënduar edhe skamjes, në një këngë të titulluar “Cigarxhiu i vogël”, e cila u dedikohej pikërisht fëmijëve që detyrimisht shesin cigare për të mbijetuar. /Telegrafi/
