Ajo është njëra prej artisteve më të pëlqyera në trojet shqiptare që vazhdimisht merr vëmendje në rrjetet sociale e faqet rozë.
Fjala është për këngëtaren Adelina Ismaili, e cila përkundër viteve vazhdon të jetë në formë të mahnitshme.
Bukuroshja, që vetëm në Instagram numëron 171 mijë ndjekës, ka befasuar në postimin e fundit.
41 vjeçarja ka publikuar një fotografi atraktive, në të cilën njëherësh ka prezantuar një stil të ri flokësh.
Me balluke e flokë kaçurrela, krijuesja e hitit “Amaneti” u shfaq e mrekullueshme në një fustan lëkurë rozë ku ka theksuar edhe linjat trupore.
Dukja joshëse e Ismailit është komplimentuar edhe nga miqtë e fansat që mban në këtë rrjet të popullarizuar.
E njëjta këtë kohë ka bërë një pauzë nga muzika e po ashtu edhe nga ekrani. /Telegrafi/