Këngëtarja shqiptare Adelina Berisha ka bërë sërish bujë në rrjetet sociale, kësaj radhe për paraqitjen e saj tejet tërheqëse në një video të postuar së fundmi.
E veshur me një fustan të gjatë ngjyrë rozë, Adelina ka tërhequr vëmendjen e ndjekësve me elegancën dhe hijeshinë e saj.
Në video, ajo shihet duke performuar live këngën e famshme “Dashurova sytë e bukur” para një audience, ku jo vetëm zëri, por edhe pamja e saj e mrekullueshme e ka bërë këtë paraqitje të paharrueshme.
Fustani rozë, i cili theksonte figurën e saj elegante, ishte zgjedhja perfekte për këtë interpretim të veçantë.
Komplimentet për performancën dhe pamjen e saj kanë qenë të mëdha. Shumë ndjekës dhe fansa e kanë vlerësuar për interpretimin e fuqishëm dhe për stilin e saj të sofistikuar, duke e cilësuar si një yll të vërtetë në skenë.
Adelina Berisha vazhdon të tregojë se jo vetëm muzika e saj ka ndikim, por edhe stili dhe prezenca skenike janë pjesë të rëndësishme të suksesit të saj të vazhdueshëm. /Telegrafi/