Adelina Berisha i ka njoftuar fansat e saj se së shpejti do ta lansojë projektin e ri muzikor.
Këtë njoftim, këngëtarja e ka bërë në Instagram, ndërsa e ka shoqëruar me një fotografi, në të cilën shfaqet mjaft atraktive dhe besohet se është nga dukja e saj në klipin e ri.
Kënga e re titullohet “Gabim i bukur” dhe do të shoqërohet edhe me videoklip.
Irkenc Hyka dhe Petro Xhori qëndrojnë prapa kësaj kënge, të cilës ia kanë bërë muzikën dhe ia kanë shkruar tekstin.
Ndërsa ana vizuale i është besuar produksionit Pro Video Albania që e ka xhiruar videoklipin.
Bashkëpunimi me Blastën, “Lema”, është një prej projekteve më të fundit të Adelinës që u lansua me videoklip.
Videoja muzikore e asaj kënge u lansua në verën e vitit të kaluar dhe është shikuar mbi tre milionë herë në YouTube. /Telegrafi/
