Reperi shqiptaro-amerikan, Action Bronson, nesër (e martë) arrin në Prishtinë për t’iu bashkuar kështu emrave më të mëdhenj të muzikës botërore të momentit, si Dua Lipa dhe Martin Garrix në Sunny Hill Festival, i cili do të mbahet me datat 10, 11 dhe 12 gusht në Prishtinë.
Arian Asllani, i njohur me emrin skenik Action Bronson, është reper shqiptaro-amerikan nga Queensi i New Yorkut.
Reperi ka bërë bujë me muzikën e tij dhe jo vetëm. Ai gjithashtu është autor i ‘The Untitled Action Bronson Show’ dhe ‘Fuck That’s Delicious’.
“Blue Chips 7000” është një prej albumeve të tij më të suksesshme, i cili u rendit edhe në top 25 e listës botërore të ‘Billboard’.
Gjithashtu, është nominuar në revistën XXL për ‘mixtape’ më të mirë të vitit.
Revista në fjalë është një nga magazinat më të mëdha muzikore në Amerikë, ndërsa e ka zgjedhur këngën “Blue Chips” të Bronson të hyjë në nominimin për pese ‘mixtape’ më të mirë.
Pas arritjes në Prishtinë, Action Bronson do të mbajë edhe një konferencë për media.