Abelard Tahiri nga Partia Demokratike e Kosovës tha se gjatë fjalimit të shefit të Grupit Parlamentar të Lidhjes Demokratike të Kosovës, Arben Gashi nuk e dinte nëse është fjala për Kosovën a për ndonjë vend tjetër.
Ai tha se ende nuk janë në dijeni me programin qeverisës të Qeverisë Hoti.
“Duke dëgjuar shefin e Grupit parlamentar të LDK-së s’disha a po fol për Kosovën a për ndonjë vend tjetër”, tha ai, shkruan Telegrafi.
Sipas tij, me këtë raportim të Hotit nuk po njoftohen deputetët me politikat shtetërore por me punën e zyrave.
“Nuk mujsha me besu që po na njofton për sulmet e zogjve në Aeroport”, u shpreh Tahiri.
Deputeti i PDK-së kritikoi Qeverinë Hoti se nuk i ka numrat.
“Për 100 ditë gjashtë herë nuk keni arrit ta miratoni Projektligjin e rimëkëmbjes ekonomike…. Nuk po mundeni ta kaloni asnjë politikë tuajën në Kuvend”, tha ai
Më keq sipas Tahirit është që kryeministri Hoti nuk po e marr madje as mundin që të bëjë zgjidhje. /Telegrafi/