Deputeti nga radhët e LDK-së, Lumir Abdixhiku, ka komentuar ashpër arritjen e marrëveshjes mes PAN-it dhe AKR-së.
Abdixhiku me anë të një postimi në rrjetin social Facebook ka kritikuar këtë koalicion duke e quajtur si një “pazar i ulët”, “pa parim” dhe “pa kurriz”.
Sipas deputetit të LDK-së që deri sot ka qenë në koalicion me AKR-në, Kosova ka merituar më shumë nga zgjedhjet e mbajtura në qershor.
“Një bashkëpunim që mbështetet në kontrabandë, tregtarë votash, mashtrim të qytetarëve dhe në Beograd, s’mund të jetë alternativë e dinjitetshme për Republikën. Është veçse një pazar i ulët, pa parime, pa moral e pa kurriz. Është arsye pse politika shihet sot si profesion i pistë, e Kosova si vend i pa shpresë. Qytetarët meritonin më mirë, Kosova meritonte më shumë”.
“Triumfi i kapësve me argat e sekserë bashkë është fitore e përkohshme e së mbrapshtës ndaj së drejtës. Si e tillë, ajo s’mund dhe s’do të ketë jetë të gjatë.”, ka shkruar Abdixhiku në Facebook. /Telegrafi/