Pas ardhjes së automjeteve ushtarake nga Amerika, deputeti i LDK-së, Lumir Abdixhiku, e ka lidhur me SHBA-në, historinë e Kosovës në okupim, në luftë e në paqe.
Abdixhiku ka thënë se ardhja në Kosovë e 51 mjeteve ushtarake nga SHBA-të është veçse fillimi.
“Historia që s’duhet harruar kurrë: 1992 Amerika vendosë vijë të kuqe për Kosovën. 1999 Amerika intervenon ushtarakisht për Kosovën. 2008 Amerika sponsorizon pavarësinë e Kosovës. 2018 Amerika mbështetë e ushtrinë e Kosovës. Në okupim, në luftë, në paqe. 51 mjete ushtarake mbërrijnë nga SHBA-të në Kosovë. Ky është veçse fillimi”, ka shkruar Abdixhiku në Facebook.
Duhet theksuar se automjetet e ushtrisë amerikane që kanë arritur të dielën në Kosovë, pritet të jenë në dispozicion të FSK-së, pasi të marrë mandatin e Forcës së Armatosur.
