Kryeministri në detyrë i Malit të Zi, Dritan Abazoviq, në ditën e tretë të qëndrimit në Kosovë, ka takuar Komandantin e KFOR-it, gjeneralmajor Angelo Ristuccia.
Abazoviq me këtë rast tha se është krenar për ushtarët malazez që shërbejnë në KFOR.
“Mali i Zi është i përkushtuar për stabilitetin rajonal dhe paqen në Ballkanin Perëndimor. Jemi krenarë për ushtarët tanë që janë në një mision serioz dhe që përfaqësojnë denjësisht Malin e Zi. Ishte kënaqësi të bisedoja me komandantin e sapozgjedhur të KFOR-it, gjeneralin Angelo Ristuccia”, ka shkruar Abazoviq në Twitter, transmeton Telegrafi.
Crna Gora je posvećena regionalnoj stabilnosti i miru na Zapadnom Balkanu. Ponosni smo na svoje vojnike koji su na ozbiljnom zadatku i koji dostojno predstavljaju 🇲🇪. Zadovoljstvo je bilo razgovarati sa novoizabranim komandantom @NATO_KFOR, 🇮🇹 generalom #AngeloRistuccia. pic.twitter.com/2Wc2rta7Te
— Dr Dritan Abazovic (@DritanAbazovic) April 15, 2023
Ndryshe, kryeministri në detyrë i Malit të Zi, Dritan Abazoviq, në ditën e tretë të qëndrimit në Kosovë, sot ka takuar edhe presidenten Vjosa Osmani. Ndërsa, në orët e pasditës ai do të qëndrojë në Pejë ku do të takohet me kryetarin e Komunës, Gazmend Muhaxherin.
Abazoviq në Pejë do të vizitojë edhe kompaninë Devolli Corporation. Ai Abazoviq bashkë me delegacionin do të pritet nga pronari i korporatës, Shkëlqim Devolli në fabrikën e Prince Caffe.
Pas vizitës, Devolli si nikoqir do të shtrojë iftar për mysafirët nga Mali i Zi, meqë vizita e tyre po zhvillohet në muajin e Ramazanit. /Telegrafi/