Tri vajza italiane arritën të vidhnin në një argjendari në qytetin bregdetarë të Vlorës një byzylyk shumë të shtrenjtë, duke shpërqendruar shitësen.
Vlera e byzylykut me diamante ishte tejet e lartë dhe u zbulua vetëm pas ikjes së tyre nga dyqani.
Pas vjedhjes, pronarët e dyqanit kërkuan ndihmë për të identifikuar tri vajzat që flisnin italisht.
Qytetarët arritën që t’i identifikonin dhe 3 hajdutet u kapën në momentin që po tentonin të iknin përmes portit të Vlorës.
Policia i ka ndaluar menjëherë në terminal ndërsa pas marrjes në pyetje, ato kanë deklaruar se kanë mbërritur disa ditë më parë në qytetin e Vlorës dhe kanë pranuar autorësinë e vjedhjes, raporton A2 CNN. /Telegrafi/
