Pas shpalljeve të rezultateve rezultateve përfundimtare të zgjedhjeve për partitë politike të mbajtura më 6 tetor, KQZ ka shpallur edhe rezultatet e votave të kandidatëve për deputet nga subjektet politike.
Sipas rezultateve të KQZ-së, Partia Demokratike e Kosovës ka marrë 178 mijë e 645 vota apo 21.163%, dhe do të ketë 25 deputetë.
Listës së Partisë Demokratike për deputetë në legjislaturën e shtatë i prinë kreu i kësaj partie Kadri Veseli, pasuar me Uran Ismailin, Mërgim Lushtaku, deri tek deputetja e 25, Valdete Idrizi.
Deputetë e PDK-së janë:
Kadri Veseli, Uran Ismaili, Mergim Lushatku, Ferat Shala, Elmi Reçica, Bedri Hamza, Abelard Tahiri, Kujtim Gashi, Bajrush Xhemajli, Enver Hoxhaj, Memli Krasniqi, Hajredin Kuçi, Bekim Haxhiu, Sejdi Hoxha, Fatmir Xhelili, Eliza Hoxha, Gazmend Bytyçi, Fadil Nura, Ariana Musliu Shoshi, Ganimete Musliu, Evgjeni Thaçi Dragusha, Blerta Deliu Kodra, Besa Ismaili Ahmeti, Floretë Zejnullahu, Valdete Idrizi.
Kryetarja e KQZ-së, Valdete Daka ka thënë se shpallja e këtyre rezultateve vjen pas përfundimit të gjitha procedurave në vendvotimeve dhe QNR.
Daka ka thënë se nga ky moment fillon afati 24 orësh për ankesa nga subjektet dhe kandidatët për deputet./Telegrafi/
