Edhe 23 kompani të Maqedonisë janë të regjistruara në një adresë në Qystendil, ku është regjistruar kompania pronare e autobusit “Besa Trans”, i cili u aksidentua në autostradën e Strumës, ka treguar inspektimi i Regjistrit Tregtar, përcjell “bTV”.
Siç bëhet e ditur, 45 persona kanë humbur jetën pasi autobusi i kësaj kompanie ka marrë flakë në autostradën e Strumës.
Sipas njoftimeve, në adresë ka një bllok apartamentesh dhe në banesën e treguar jeton një e moshuar e sëmurë.
Ajo tha se djali i saj ka punuar për kompaninë më shumë se 10 vjet më parë. Megjithatë, që atëherë, nuk ka asnjë lidhje me të.
Në ndërkohë, siç paralajmëruam, zyra e Besa Transit në Shkup është e mbyllur dhe askush nuk e hap, edhe pse orari i punës është nga ora 09:00. Para objektit të agjencisë së udhëtimeve ka shumë policë.
Përndryshe, sot në vendin e quajtur Pernik në Bullgari ka ndodhur një aksident i tmerrshëm i një autobusi nga Maqedonia e Veriut.
Nga ky aksident tragjik, kanë humbur jetën 45 njerëz nga Maqedonia kurse rreth 20 prej tyre raportohet se kanë qenë të rinj./Telegrafi/
