Një këngë e re siç shihet po vjen edhe nga reperi 2 Ton.
Reperi nga Ferizaj është duke punuar në këngën e re dhe kjo është njoftuar në llogarinë e tij personale, Instagram.
I njëjti solli një pjesë të shkurtër të kësaj kënge dhe po vjen në bashkëpunim me një repere të re, e cila quhet Tika Behrami.
Në këtë video dy artistët shfaqen në një studio muzikore dhe tregojnë se ky projekt pritet të lansohet së shpejti.
“Së shpejti”, ka shkruar ai.
Duket se për artisten Behrami kjo do jetë kënga e parë, me të cilën do e bëjë debutimin në tregun tonë muzikor, e që në bazë të komenteve ajo do të mirëpritet nga publiku.
2 Ton përndryshe është shumë i angazhuar edhe me koncerte, e gjatë verës këndoi në vende të ndryshme jo vetëm në trojet shqiptare, por edhe më gjerë.
“Gjithë Jetën”, “Love”, “Ca Va”, “TMV”, janë disa nga projektet e Arton Avdylit të publikuara gjatë këtij viti, të cilat u shndërruan në hite. /Telegrafi/