Pikërisht 135 vjet më parë u themelua liga e parë e futbollit në botë dhe 12 klube angleze luanin në këtë kampionat me emrin “Football League”.
Në takimin e prillit të vitit 1888, që u mbajt në Mançester, 12 klubet pjesëmarrëse vendosën të nisnin ligën e parë të futbollit në botë, e cila më vonë do të përfaqësonte një udhërrëfyes për të gjitha vendet e tjera ku luhej futboll.
Football League 1888/1889 ishte edicioni i parë i ligës së futbollit dhe zgjati nga vjeshta 1888 deri në pranverën 1889. Filloi më 8 shtator 1888.
Liga u luajt nga 12 klube, themeluesit e të cilave konsiderohen edhe sot gjigantë.
Këto janë: Aston Villa, Blackburn, Bolton, Burnley, Derby, Everton, Notts County, Preston North End, Stoke, West Bromwich Albion, Wolverhampton dhe i vetmi klub i shpërbërë Accrington (Acrington Stanley ekziston sot).
Secili klub luajti me njëri-tjetrin dy herë në sezonin, i cili përfundoi më 20 prill 1889.
Kampioni i parë i Anglisë është skuadra Preston North End, e cila sot garon në Championship, pra në nivelin e dytë të futbollit anglez.
Preston fitoi titullin atë sezon me 40 pikë, madje 11 më shumë se Aston Villa. I treti ishte Wolverhampton.
Për katër vite liga u luajt në atë format, pa zbritje nga liga e parë, me 12 konkurrentë konstante. Preston arriti të mbronte titullin në sezonin e dytë dhe më pas kurorën e kampionit e mori Evertoni./Telegrafi/