Pas shpërthimit, gruaja e dyshuar vrapoi për të marrë një taksi në lagjen Esenyurt të Stambollit, që ndodhet “pak larg” nga zona e Taksimit ku ndodhi shpërthimi.
Kështu së paku raporton gazetarja e Al Jazeera, Sinem Koseoglu, duke raportuar nga Stambolli.
Sipas policisë së Stambollit, 1,200 kamera sigurie u kontrolluan dhe u kryen bastisje në 21 vende të ndryshme me të cilat u identifikua gruaja, përpara se policia ta arrestonte në orën 2:50 të mëngjesit.
“Ministrja e Brendshme turke tha se policia kishte një regjistrim zanor të një bisede mes anëtarëve të PKK-së që thoshte se ajo duhet të vritej përpara se policia ta kapte atë”, ka thënë Koseoglu.
⚠️‼️🇹🇷💥Explosion occurred in the center of Istanbul, there are wounded, Turkish TV reports
The explosion occurred on the pedestrian tourist street Istiklal in Istanbul pic.twitter.com/7tlBdBdQTU
— AZ 🛰🌏🌍🌎 (@AZgeopolitics) November 13, 2022
“Ministri tha se hapi tjetër për autorët ishte arratisja në Greqi përpara se të kapeshin nga policia turke”.
Ndërkohë, ajo ka shtuar se, sipas burimeve të sigurisë, dy shtetas të tjerë sirianë u përfshinë në sulm, përveç gruas së përmendur fillimisht.
Beyoğlu patlamasında bombayı bırakan kişi İstanbul Emniyet Müdürlüğü ekiplerince gözaltına alındı https://t.co/37aPK7sSH6 pic.twitter.com/PvWnoBwMAz
— ANADOLU AJANSI (@anadoluajansi) November 14, 2022
“Ministri i Brendshëm përmendi se këta autorë janë të lidhur me YPG-në, grupin luftarak kurd sirian, të cilin Turqia e konsideron si një degë të PKK-së së jashtëligjshme”.
“Ne po presim që zyrtarët të japin më shumë detaje rreth të dyshuarve… [përfshirë] mënyrën se si ata kaluan kufirin turko-sirian pasi Turqia ka qenë shumë e rreptë për sirianët që qëndrojnë në qytetet e mëdha pa leje banimi ose pa u regjistruar”.
#Taksim İstiklal Caddesinde meydana gelen Bombalı Terör Saldırısını gerçekleştiren terörist YAKALANDI🚨
Olayla ilgili başlatılan çalışmalar çok yönlü olarak devam etmektedir. pic.twitter.com/CniGox6r4u— İstanbul Emniyet Müdürlüğü (@istanbul_EGM) November 14, 2022
Ndryshe, Departamenti i Policisë së Stambollit ka dalë me një deklaratë rreth sulmit me bombë të ndodhur të dielën, 13.11.2022 në rrugën Taksim Istiklal në lagjen Beyoğlu të Stambollit.
Në këtë drejtim, duke folur rreth identitetit të të dyshuarit, është thënë se në operacionin e zhvilluar në adresën e caktuar në orën 02.50 është kapur e gjallë shtetasja siriane Ahlam Albashir, që supozohet se ka kryer aktin.
Autoritetet thanë se gjashtë persona u vranë dhe 81 u plagosën në shpërthimin e së dielës në “Istiklal Avenue”, një rrugë e famshme e mbushur me dyqane dhe restorante që të çon në sheshin ikonik Taksim. /Telegrafi/