Zëvendëspresidenti i SHBA-ve, Mike Pence, të hënën mbrojti presidentin Donald Trump lidhur me komentet e tij të fundit ndaj imigracionit nga Afrika dhe Haiti.
Pence në një intervistë me AP në Jerusalem, tha se presidenti kishte për qëllim zbatimin e një sistemi me bazë meritash, që inkurajon imigracionin e atyre që do të “kontribuojnë në rritjen e ekonomisë amerikane dhe nga komunitete të lulëzuara”.
“E njoh zemrën e presidentit dhe e di se presidenti Trump çfarë dëshiron të bëjë, është reformimi i imigracionit, për ta bërë sistemin tonë, një që i vë interesat e Amerikës së pari”, tha Pence.
Ai shtoi se emigrantët duhet të merren në konsideratë në meritat e tyre, “pavarësisht se prej nga kanë ardhur, vendi ose nga raca dhe besimi i tyre”.
Trump në një takim privat me ligjvënësit këtë muaj, sfidoi imigracionin nga vendet afrikane dhe Haiti, dhe tha se SHBA-të duhet të mirëpresin më shumë emigrantë nga vende si Norvegjia. /kp/