Mavraj është kthyer në një nga lojtarët më të pëlqyer nga fansat, jo vetëm për atë që jep në fushë, por edhe mesazhet e tij shumë simbolike në rrjetet sociale.
Por Mavraj ka edhe një sens të hollë ironie. E në këtë mënyrë ai ka vendosur t’i “hyjë politikës”.
Lajmi në fakt është një shaka e vetë Mavrajt i cili ka postuar në “Facebook” një foto nga podiumi ku kryeministri Rama foli në hollin e kryeministrisë, ku priti kombëtaren pas largimit nga Franca.
“Oh popull, jam gati për zgjedhjet e ardhshme!!!#Voto15”, shkruan ai në profilin e tij teksa poston një foto nga podiumi dhe jep numrin 15, që nuk është gjë tjetër veçse numri i fanellës së tij.
