Trajneri i Liverpoolit, Jurgen Klopp, insiston që skuadra e tij ka nivel të përafërt me rivalët e Chelseat.
Jurgen Klopp ka thënë se skuadra që drejton nuk qëndron shumë larg liderit të Ligës Premier.
Ndonëse ‘Blutë’ janë duke marshuar drejt titullit të kampionit, gjermani thotë se skuadra e tij është shumë e përafërt me londinezët sa i përket nivelit të lojës.
“Duhet të shihni ndeshjet të cilat i kemi luajtur kundër Chelseat”, ka thënë Klopp.
“Nuk ishim më keq sesa 14 pikë, kjo është e sigurt, por që ata kanë përvojën, të ftohtë si akulli dhe po marrin pikë. Ata luajnë shumë seriozisht dhe përfundojnë punën kur kanë për ta përfunduar”.
“Të gjithë e dimë se boshllëku nuk është aq i madh”, ka përfunduar ish-trajneri i Dortmundit.