Klubi anglez është i gatshëm t’i ofrojë një kontratë të re yllit të skuadrës.
Interesimi i fundit i Real Madridit për Eden Hazard, ka alarmuar drejtuesit e Chelseat të cilët kërkojnë që me çdo kusht ta mbajnë atë në Londër.
Madje sipas medieve në Angli, ‘Blutë’ janë të gatshëm që t’i propozojnë Hazardit një kontratë të re me një rritje të dukshme të pagës, prej 300 mijë funtesh në javë.
Kjo ofertë do të jetë vështirë për t’u refuzuar nga Hazard, që me kontratën aktuale përfiton 200 mijë funte në javë.
Për reprezentuesin belg, Real Madridi është i gatshëm t’i ofrojë Chelseat plot 100 milionë euro.