Paris Saint-Germain e ka zyrtarizuar blerjen e Abdou Diallos nga Borussia Dortmund.
Mbrojtësi francez ka nënshkruar një kontratë pesëvjeçare që e lidh atë me klubin deri më 30 qershor 2024.
Abdou Diallo, tani 23 vjeç, ka dal nga akademia e të rinjve të AS Monaco.
Ai luajti gjithsej 19 ndeshje në tre sezone. Diallo ka luajtur edhe në Tours dhe SV Zulte Waregem, për të kaluar në Bundesliga.
Në vitin 2017 ai kaloi te FSV Mainz 05, pastaj te Borussia Dortmundi, ku luajti një vit.
Nën drejtimin e trajnerit zviceran Lucien Favre, Abdou Diallo luajti 38 ndeshje me Dortmundin, duke treguar shkathtësinë e tij si mbrojtës.
🆕✍
Paris Saint-Germain are delighted to announce the arrival of Abdou Diallo!#WelcomeAbdou pic.twitter.com/RzjUkoAaAD— Paris Saint-Germain (@PSG_English) July 16, 2019
“Është një nder i madh të jem i përfshirë në një klub të tillë prestigjioz si Paris Saint-Germain”, ka thënë Abdou Diallo pas nënshkrimit të kontratës së tij. /Telegrafi/