ABC News raporton se burime zyrtare pranë ministrisë së Financave kanë konfirmuar se të gjitha udhëzimet plotësuese janë gati dhe ligji do të fuqizohet menjëherë pas 2 javëve.
Në këtë pikë, bizneset dhe qytetarët i ndan vetëm pak ditë nga përfitimet e që ata do të kenë nga ligji i faljes dhe i legalizimit. Ashtu siç është deklaruar përfituesit më të mëdhenj do të jenë qytetarët që do të deklarojnë të ardhurat e tyre, pasuritë e tyre si dhe do të përfitojnë nga falja e të gjitha detyrimeve të papaguara, si lokale ashtu dhe nacionale.
Gjithashtu, do të jenë përfitues bizneset e vegjël dhe të mëdhenj, të cilëve do t’u falen detyrimet si dhe do të kenë mundësi të legalizojnë asetet e tyre. E në këtë fazë, çështja më e rëndësishme shtrohet administrimi i procesit nga ana e institucioneve. Ligji për faljen dhe legalizimin është një ligj gjithëpërfshirës, i cili nuk përfshin veprat kriminale, pasuritë e zyrtarëve dhe çdo veprim tjetër, që prek Kodin Penal./Telegrafi/