Siç ishte paralajmëruar më parë, në ndeshjen e mbrëmjes së sotme në mes të Maqedonisë së Veriut dhe Kosovës, e cila zhvillohet në “Tose Proeski” me fillim nga ora 20:45, teknologjia VAR do të përdoret për herë të parë në Maqedoni.
UEFA e mori këtë vendim duke pasur parasysh rëndësinë e ndeshjes, dhe ishte vetë shtëpia e futbollit evropian që u kujdes që gjithçka të jetë në rregull.
Mediumi maqedonas Sportmedia ka marr një foto nga dhoma e VAR që do të funksionojnë sonte.
Ajo do të funksionojë në një furgon dhe do të lidhen me një monitor në fushë.
Drejtësinë do ta ndajë Danny Makkelie nga Holanda, ndërsa në VAR do të jetë Kevin Blom./Telegrafi/