Zyrtarët e Qendrës Amerikane për Kontrollin dhe Parandalimin e Sëmundjeve (CDC) nuk janë “besnikë ndaj administratës. Ata janë besnikë ndaj shkencës”, tha sh-drejtori i CDC-së, Tom Frieden.
“Unë i njoh mirë mjekët dhe shkencëtarët në CDC”, tha Frieden në një konferencë të organizuar nga Shoqata e Sëmundjeve Infektive të Amerikës. “Ata janë të përkushtuar për të ndaluar sëmundjen kudo dhe kurdo që të shfaqet”, raporton CNN.
Frieden, i cili tani është President dhe CEO i nismës globale të shëndetit Resolve to Save Lives, tha se CDC-ja nuk është besnike ndaj asnjë partie politike, transmeton Telegrafi.
“Premtimi i CDC-së për popullin amerikan është që të bazojë të gjitha vendimet në të dhënat me cilësi më të lartë, të nxjerra hapur dhe objektivisht”, tha ai.
Ai tha se pengu është pjesë e ADN-së së CDC-së.
“Kam frikë se ajo që disa mund ta shohin si pabesi ndaj një individi në të vërtetë është besnikëri ndaj çështjes së mbrojtjes së popullit amerikan”, tha Frieden. /Telegrafi/