Zyrtarët amerikanë i kanë thënë kandidatit presidencial demokrat, Bernie Sanders, se Rusia po përpiqet të ndihmojë fushatën e tij, njoftoi Washington Post të premten.
Donald Trump dhe ligjvënësit amerikanë gjithashtu janë informuar në lidhje me ndihmën ruse për senatorin Sanders, tha Washington Post, i cili citoi njerëz pa emër të njohur me këtë çështje.
Nuk ishte e qartë se çfarë forme do t’a ndihmonte Rusia, shtoi gazeta, transmeton Telegrafi.
“Nuk më intereson, sinqerisht, se cilin kandidat Putini e dëshiron të jetë president. Mesazhi im për Putin është i qartë: të qëndrojë jashtë zgjedhjeve amerikane”, tha Sanders në një deklaratë duke iu përgjigjur raportit.
Sanders vazhdoi: “Për dallim nga Donald Trump, nuk e konsideroj Vladimir Putinin një mik të mirë”.
“Ai është një sulm autokrat, i cili po përpiqet të shkatërrojë demokracinë dhe të shtypë mospajtimet në Rusi”.
“Le të jemi të qartë, rusët duan të minojnë demokracinë amerikane duke na përçarë dhe, ndryshe nga presidenti aktual, unë qëndroj fort kundër përpjekjeve të tyre dhe çdo fuqie tjetër të huaj që dëshiron të ndërhyjë në zgjedhjet tona”. /Telegrafi/