Shqiptari me pasaportë zvicerane e kaloi sezonin 2008/2009 në formë huazimi te Torino, duke qenë njëri nga lojtarët më të mirë të ‘Granatës’.
Ndërkohë dy skuadrat, Torino dhe Bolton kanë arritur marrëveshje për qëndrimin e 23-vjeçarit në Itali.
Mesfushori nga Tetova u transferua te Boltoni në vitin 2007 nga Zurichu, mirëpo si pasojë e lëndimit ai nuk arriti të sigurojë një vend në skuadrën angleze, mirëpo ai shkëlqeu me fanellën e Torinos gjatë sezonit që shkoi, prandaj ata vendosën ta mbajnë duke konkurruar me Lazion dhe Napolin që po ashtu ishin të interesuar për shërbimet e Xhemajlit.