Raphael Varane është lojtari i fundit që ka rinovuar kontratën me Real Madridin.
Mbrojtësi ka zgjatur bashkëpunimin me klubin madrilen deri në vitin 2022 dhe ndjek hapat e kolegëve që kanë vendosur tashmë nënshkrimin e tyre gjatë këtyre muajve të fundit.
Varane pas largimit të Pepes, tani është i padiskutueshëm në fazën e mbrojtjes për trajnerin Zinedine Zidane, i cili shtatë vjet më parë e kishte sjell nga skuadra e Lensit.
Varane tashmë ka bërë histori në Madrid, por kjo kontratë konfirmon vetëm se lojtari dëshiron të vazhdojë të fitojë tituj me kampionin spanjoll dhe evropian.
Futbollisti 24-vjeçar deri më tani me Realin ka fituar dy tituj të La Ligas, po aq edhe Copa del Rey ndërsa tre herë e ka fituar Ligën e Kampionëve.
Pos francezit, tashmë me Los Blancos ka zgjatur kontratën edhe Isco, Karim Benzema dhe Marcos Llorenten. /Telegrafi/