Trepça vazhdon me ndryshime në shtabin teknik, derisa ka angazhuar tani turkun Engin Gencoglu.
Vetëm disa ditë më parë ‘Minatorët’ i besuan punën e trajnerit Ilir Selmanit, por ende pa e drejtuar asnjë ndeshje, Selmani do të mbetet ndihmës i Engin Gencolut.
41-vjeçari ka bërë karrierë kryesisht në Turqi në skuadrat si Bostanlispor, Karsiyaka, Besiktas e së fundmi te Konyaspor.
“Engin Gencoglu, i bashkohet shtabit teknik te klubit. Engin Gencoglu së bashku me Ilir Slemanin pritet të sjellin vlerë të shtuar në ekip dhe ta udhëheqin ekipin drejt objektivave”, ka shkruar faqja zyrtare e Trepçës.
Pas 18 ndeshjeve të zhvilluara në elitën e basketbollit kosovar, Trepça zë vendin e katërt në tabelë me bilanc prej nëntë fitoreve e po aq disfatave.
Ndeshjen e radhës ‘Minatorët’ e zhvillojnë në udhëtim te Peja të dielën. /Telegrafi/