Tanimë është zyrtare dhe mbrojtësi francez Benjamin Mendy është pjesë e Manchester Cityt ku kaloi nga Monaco.
Klubi anglez ka njoftuar se ka nënshkruar me reprezentuesin francez të cilin e kanë prezantuar.
23-vjeçari ka marrë fanellën me numrin 22 dhe thuhet se është bërë blerja më e shtrenjtë në repartin defensivë, pasi Mendy ka kushtuar 52 milionë funte apo 58 milionë euro.
“Unë jam shumë i kënaqur që jam bashkuar me Cityn”.
“City është ndër klubet kryesore të Evropës dhe të punoj me Guardiolën është nder për mua”, deklaroi Mendy.
Transferimi i Mendyt ka thyer edhe rekordin botëror sa i përket mbrojtësve.
Rekordi është mbajtur nga Kyle Walker, por tani me transferimin e Mendyt, francezi është bërë mbrojtësi më i shtrenjtë në histori të futbollit.
Ish-anëtari i Monacos dhe Marseilles ka nënshkruar kontratë pesë vjeçare me Manchester Cityn.