Drita ka zyrtarizuar transferimin e radhës, duke nënshkruar me sulmuesin maqedonas, Marko Simonovski.
Sulmuesi sezonin e shkuar ka luajtur te Feronikeli, ku në të dyja garat kishte shënuar 14 gola.
“Sot ka arritur edhe përforcimi i radhës për klubin tonë!”
“Marko Simonovski është pritur nga presidenti i klubit z. Valon Murseli i cili i ka dëshiruar mirëseardhje lojtarit në familjen bardh e kaltër”.
“Marrëveshja është nënshkruar dhe Marko do të jetë i yni për një vit! Simonovski luan në pozitën e qendër sulmuesit i cili vitin e fundit luajti për ekipin e FC Feronikelit, dhe tani do të jetë i gatshëm edhe për garat europiane për klubin tonë!”
“Klubi jonë e falënderon ekipin e Feronikelit që e lejoi Simonovskin para kohe të bashkohet me ne për përgatitjet që klubi po i bënë për ndeshjet e Evropës”, thuhet në njoftimin e klubit.
Simonovski ka një karrierë të bujshme si futbollist, duke luajtur për klube si RNK Split, Lahti, FC Voluntari, Amkar Perm e Shakhter Karagandy. /Telegrafi/