Roma e ka transferuar portierin portugez, Rui Patricio, nga Wolverhampton Wanderers për 11.5 milionë euro plus bonuset.
Gjatë ditës së sotme, portieri ka udhëtuar në kryeqytetin italian për t’i kompletuar ekzaminimet mjekësore dhe më pas ka nënshkruar kontratë deri në qershor të vitit 2024.
Giallorossët e kanë konfirmuar marrëveshjen përmes një komunikate zyrtare për shtyp duke sqaruar se bonuset janë të lidhura me performancën dhe arritjet individuale të lojtarit.
https://twitter.com/ASRomaEN/status/1415038538974965766
“Roma është një klubi madh dhe është një sfidë e re, ndërsa unë jam i gëzuar që do të përpiqem t’i ndihmoj klubit për t’i arritur objektivat e veta”.
“Jose Mourinho është një prej trajnerëve më të mirë në botë dhe jam i kënaqur që do të filloj punën me të dhe do të bëj gjithçka për ta ndihmuar skuadrën”, ka deklaruar Patricio për faqen zyrtare të klubit.
Portugezi iu bashkuar Wolves në vitin 2018 nga Sporting CP për 18 milionë euro dhe kishte kontratë deri në qershor të vitit 2023. /Telegrafi/
New No. 1⃣ … 𝒖𝒏𝒍𝒐𝒄𝒌𝒆𝒅 🔓
Welcome to Roma, Rui Patricio! 🇵🇹
#ASRoma | @NBFootball pic.twitter.com/otd2nDvqDc— AS Roma English (@ASRomaEN) July 13, 2021