FC Prishtina ka njoftuar për dy lojtarët e radhës të larguar nga klubi.
Mesfushorët Argjend Mustafa dhe Bleon Sekiraqa janë larguar nga klubi bardhekaltër.
Në fakt Prishtina me mesfushorin Argjend Mustafa me marrëveshje kanë shkëputur kontratën që ishte valide edhe për dy vite të tjera.
Në anën tjetër Bleon Sekiraqa kishte mbetur futbollist i lirë dhe u largua në drejtim të Ballkanit.
FC Prishtina i ka falënderuar dy futbollistët për kontributin e dhënë me fanellën bardh e kaltër.
Njoftimi i plotë nga klubi:
Prishtina dhe Argjend Mustafa me marrëveshje kanë shkëputur kontratën dyvjeçare që ishte në fuqi. Argjend Mustafa, i transferuar edicionin e kaluar nga Trepça ’89, me Prishtinën ka zhvilluar një edicionin duke regjistruar 29 paraqitje (10 zëvendësuar, 9 zëvendësues) duke asistuar në dy gola kampional.
Ndërsa, Bleon Sekiraqës i ka skaduar kontrata dhe është futbollist i lirë. Sekiraqa është fëmijë i Shkollës së futbollit, ndërsa me Prishtinën ka regjistruar 5 paraqitje si zëvendësues, ndërkohë e ka edhe një paraqitje në garat ndërkombëtare kundër Norkoping (0:1).
FC Prishtina i falënderon dy futbollistët duke u uruar sukses në vazhdim të karrierës. /Telegrafi/