Simone Verdi zyrtarisht është një lojtar i Napolit pas përfundimit të transferimit prej 25 milionë eurosh nga Bologna dhe nënshkroi një kontratë pesëvjeçare.
Ylli italian ka përfunduar gjatë ditës testet mjekësore në klinikën e Villa Stuart të Romës.
Pastaj Verdi udhëton për në zyrat e presidentit Aurelio De Laurentiis për të nënshkruar kontratën e tij me Napolin.
50 sfumature di…#Verdi #WelcomeVerdi #ForzaNapoliSempre pic.twitter.com/kXbG3AExzT
— Official SSC Napoli (@sscnapoli) June 11, 2018
Zyrtarizimi i italianit si lojtar i ri i Napolit erdhi me anë të një videoje në Twitter – “50 hijet e Verdit”.
Verdi ishte në prag të një lëvizjeje në janar dhe të dy klubet u pajtuan me kushtet, por ai e refuzoi atë, duke këmbëngulur se donte t’i jepte fund sezonit në Stadio Dall’Ara.
Tani që sezoni ka përfunduar me 10 gola dhe 10 asistime në 34 paraqitje në Serie A, 25-vjeçari ka pranuar kalimin në San Paolo.
✍️ Ufficializzato l'acquisto di Simone #Verdi ➡️ https://t.co/Pkv6xIjF8X#WelcomeVerdi #ForzaNapoliSempre pic.twitter.com/B2NJefl1q7
— Official SSC Napoli (@sscnapoli) June 11, 2018
Verdi mbush 26 vjet muajin e ardhshëm dhe Milani gjithashtu do të përfitojë, pasi ata mbajnë 20 për qind të çmimit në sajë të marrëveshjes ku e shitën atë në Bologna për vetëm 1.5 milionë euro në verën e vitit 2016.
Sipas Sky Soprt Italia, Verdi kërkohej edhe nga Interi dhe Roma, teksa kjo e bën atë shitjen më fitimprurëse në historinë e Bolognas. /Telegrafi/