Llapi ka vazhduar me përforcimet për kampionatin e ri.
Ekuipazhit të Tahir Batatinës i është bashkuar edhe një futbollist gjatë ditës së martë.
Bëhet fjalë për Meriton Mehmetin, i cili rikthehet sërish në “folenë” e vjetër.
Mehmeti sezonin e kaluar ishte pjesë e Flamurtarit të Prishtinës.
Meriton Mehmeti është një mesfushorë me përvojë dhe pritet të mbulojë hapësirat e lëna bosh pas largimit të disa prej mesfushorëve nga “Zahir Pajaziti”. /Telegrafi/
