Llapi është duke e riorganizuar skuadrën për Ligën e Konferencës dhe sezonin e ri në Superligë, ndërsa sot i ka siguruar shërbimet e qendërmbrojtësit brazilian, Bianor Neto.
Qendërmbrojtësi brazilian me ekipin nga Podujeva, ka nënshkruar një marrëveshje një vjeçare.
Ai sezonin e shkuar ka luajtur për Shkupin, që është kundërshtari direkt i Llapit në Conference League.
“27 vjeçari pas negociatave të cilat u finalizuan me sukses është bindur me projektin e skuadrës dhe do të jetë pjesë e grupit menjëherë nga dita e nesërme kur skuadra iu rikthehet stërvitjeve pas dy ditëve pushimi”.
“Bianor Neto, i lindur më 28.06.1994 në Manaus, AM të Brazilit. I gjatë 1,87 m. Në edicionin e fundit, Neto u paraqit në 35 ndeshje zyrtare për Shkupin (34 në Prva Liga dhe 1 në kualifikimet e Europa Ligës), duke arritur të realizoj 3 gola në 302′ minuta të luajtura”.
“Më parë është paraqitur edhe për Makedonija Gjorce Petrov (41 paraqitje/39 në Prva Liga dhe 2 në kualifikimet e Europa Ligës) me gjithsej 3480’ minuta të luajtura”.
“Me cilësitë dhe përvojën e tij, Bianor Neto pritet të jetë forcë shtesë për repartin defanziv të skuadrës”, thuhet në njoftimin e Llapit. /Telegrafi/