Bayern Munich e ka transferuar edhe zyrtarisht Leon Dajakun nga Stuttgarti.
Kampioni i Bundesligës e transferoi talentin shqiptar nga rivali i tyre, pas paraqitjeve mbresëlënëse në sezonin e kaluar.
Transferimin e sulmuesit shqiptar e ka konfirmuar skuadra gjermane në llogaritë e tyre sociale, ndërsa atë e ka mirëpritur drejtori sportiv, Hasan Salihamidzic.
“Është një talent i madh me të ardhme të ndritur. Jemi të lumtur që do ta kemi në skuadër një futbollist kaq të talentuar” ka thënë Salihamidzic.
Herzlich willkommen, Leon! 🤝
Juniorennationalspieler Leon Dajaku wechselt zum #FCBayern: https://t.co/BIdKJdJXPg#FCBAmateure #MiaSanMia pic.twitter.com/nvSmNcfPBq— FC Bayern Campus (@FCBjuniorteam) July 16, 2019
Bavarezët thuhet se do të paguajnë 1.5 milion euro për Dajakun, ndërsa do të luajë te skuadra e dytë e Bayernit, që garon në ligën e tretë gjermane.
Sulmuesi kosovar ka shkëlqyer me ekipin U-19 të Stuttgartit, ndërsa ka kontribuuar në triumfin në DFB Cup dhe për arritjen në pozitën e dytë.
Ndryshe, në nivel ndërkombëtar ai luan me Gjermaninë U18, ku e ka shënuar një gol në tri paraqitje. Dajaku ka marrë numrin shtatë në fanellë, numër ky që i takonte Franck Riberys, që u largua në fund të sezonit të kaluar si lojtar i lirë /Telegrafi/
