Kalvin Phillips edhe zyrtarisht është një futbollist i ri i kampionit në fuqi të Anglisë, Manchester City.
Mesfushori anglez i cili është dal nga akademia e Leeds United ka bërë hapin e madh në karrierë duke nënshkruar për skuadrën që udhëhiqet nga Pep Guardiola.
26-vjeçari ka nënshkruar një kontratë afatgjate me Cityn, kontratë e cila do ta mbajë atë në Etihad Stadium deri në qershor të vitit 2026.
Welcome to City, @Kalvinphillips! 💙 pic.twitter.com/F2IDFCcZJG
— Manchester City (@ManCity) July 4, 2022
Për transferimin e reprezentuesit anglez, City ka paguar 48,750,000 euro plus bonuset të cilat pritet të arrijnë deri në 12 milionë euro.
“Jam absolutisht i kënaqur që jam bashkuar me Manchester Cityn. City e ka dëshmuar se është skuadra më e mirë në vend me një trajner të mrekullueshëm si Pep Guardiola i cili me të drejtë konsiderohet si më i miri në botë”, tha Phillips gjatë prezantimit.
He's here! ✍️🤩 pic.twitter.com/8QxJ6gbueQ
— Manchester City (@ManCity) July 4, 2022
“Të jem në gjendje të luaj nën drejtimin e Pep Guardiolas dhe të mësosh nga ai më bën vërtetë të emocionuar”.
“City është një klub i klasit botëror dhe mezi pres të filloj ta ndihmoj ekipin”, tha ndër të tjera Phillips gjatë prezantimit. /Telegrafi/