Interi ka zgjatur zyrtarisht kontratën me trajnerin Simone Inzaghi deri në qershor 2026, por sipas presidentit Beppe Marotta, klubi shpreson të vazhdojnë edhe më shumë në të ardhmen me “timonierin” italian.
Trajneri e mori detyrën në verën e vitit 2021 pasi Antonio Conte fitoi Scudetton dhe u largua.
Në tre vjet, Inzaghi ka fituar tashmë gjashtë trofe me klubin, përkatësisht titullin e Serie A, dy Kupa të Italisë dhe tre trofe të njëpasnjëshme të Superkupës së Italisë.
Pronti e felice Mister 🥹🔥🖤💙#ForzaInter #Inzaghi2026 pic.twitter.com/J2RAPkWFJi
— Inter ⭐⭐ (@Inter) July 12, 2024
Presidenti Marotta e bëri të ditur lajmin në fillim të një konference për shtyp këtë pasdite, pak përpara stërvitjes parasezonale.
“Ka kaluar shumë pak kohë që nga fundi i një sezoni të mrekullueshëm ku fituam dy trofe të tjerë, Superkupën dhe Scudetton. Sot ne fillojmë një rrugëtim të ri së bashku, fanella jonë do të jetë e stolisur me simbolin trengjyrësh dhe yllin e dytë. Bashkë me ne që drejton ekipin do të kemi sërish Simone Inzaghin”.
⭐ Mister Inzaghi ⭐#ForzaInter #Inzaghi2026 pic.twitter.com/SlASuFU1Xk
— Inter ⭐⭐ (@Inter) July 12, 2024
“Dëshiroj të njoftoj zyrtarisht se raporti ynë do të vazhdojë deri në qershor 2026, me shpresën për të vazhduar edhe më shumë në të ardhmen”, deklaroi ai. /Telegrafi/