Huawei do të jetë në gatishmëri të plotë në Mobile World Congress 2019 më vonë këtë muaj, por duket se kompania nuk do të lansojë serinë P30 atje. Agjenda MWC 2019 e tyre përfshin një telefon të palosshëm, për të cilin, kompania thotë se do të vijë me 5G. Huawei P30, nga ana tjetër, do të lansohet në mars.
Huawei ka zbuluar planet e tyre për publikimin e serisë P30 në Paris muajin e ardhshëm, në një njoftim për shtyp, i cili theksoi planet e tyre të biznesit për Poloninë.
Huawei do të dyfishojë stafin e tyre në zyrën në Poloni, duke angazhuar 100 punonjës të tjerë.
Konglomerati kinez ndodh që të ketë një pozitë udhëheqëse në këtë treg. Kompania arriti mbi 33 për qind të tregut mobil të vendit, vitin e kaluar.
Telefonat Huawei P20 dhe Mate 20 kanë arritur mjaft sukses atje.
Kompania gjithashtu shet pajisje, tabletë, madje edhe laptopë në Poloni.
Huawei ka zbuluar më parë pajisje të reja në kryeqytetin francez kështu që nuk është e habitshme të shohim se mund të jetë duke planifikuar ta bëjë këtë edhe për serinë P30.
Asnjë informacion i mëtejshëm nuk është zbuluar nga kompania për këto pajisje ende. Poashtu nuk ka ndonjë datë konkrete për ngjarjen e Parisit. /Telegrafi/