Gledi Mici nuk është më një futbollist i skuadrës kosovare, Prishtina.
Mbrojtësi i majtë nga Shqipëria ka tre vite që është pjesë e skuadrës më të trofeshme në futbollin kosovar.
32-vjeçari ka konfirmuar ndarjen me klubin prishtinas nëpërmjet një postimi në llogarinë e tij zyrtare në Facebook.
“Bashkëpunimi me Fc Prishtinën përfundon. Faleminderit për këto tre vite të mrekullueshme”, ka shkruar Mici.
Fieraku sezonin e fundit ka mbajtur shiritin e kapitenit te Prishtina.
Ai pritet së shpejti të vendos për skuadrën e re, ku nuk mungojnë ofertat nga kampionati kosovar dhe ai shqiptar. /Telegrafi/