Ferizaj ka vazhduar me përforcime në afatin kalimtar dimëror.
Skuadra e fundit në renditjen tabelare është përforcuar në repartin defensivë, ku ka marrë shërbimet e mbrojtësit të djathtë Filip Gligorov.
Anësori më parë ka luajtur edhe për Partizanin, Kukësin e Vllazninë në Shqipëri, derisa ka bërë karrierë edhe te Shkupi, Sileks e Rabotnick.
Pas nënshkrimit të kontratës dhe prezantimit me fanellën e klubit, Gligorov është shprehur shumë i lumtur që do ti mbrojë ngjyrat e Ferizajt.
“Kjo është hera e parë për mua që do të luajë në Kosovë, sigurisht se në të kaluarën kam pasur oferta, por asnjëra nuk më ka bindur”.
“Oferta e klubit të Ferizajt ka qenë ndryshe nga të tjerët sepse bëhet fjalë për një projekt shumë konkret dhe profesional. Për ne lojtarët është e rëndësishme që të na krijohen kushtet për të dhënë më të miren nga vetja. Dhe klubi i Ferizajt i përmbush të gjitha nevojat”.
“Jam shumë i motivuar dhe menxi e pres fillimin e garave. Nga ajo se çka kam dëgjuar bëhet fjalë për një klub me lojtarë të talentuar, e që sigurisht se edhe me ndihmën e fatit ne do të arrijmë objektivat tona”, ka thënë Gligorov për faqen e klubit. /Telegrafi/
