Sulmuesi shqiptar nga Maqedonia, Izair Emini është transferimi i fundit i klubit gjilanas, Drita.
Drita ka vazhduar për të katërtën ditë radhazi të zyrtarizoj nga një transferim të ri për sezonin e ardhshëm 2019/20.
Pas dyshes së Llapit, Ilir Blakçori e Hamdi Namani dhe talentit të Ferizajt, Drilon Islami, Drita sot (e diel) ka zyrtarizuar edhe një lojtar.
Bëhet fjalë për sulmuesin e njohur shqiptar nga Maqedonia, Izair Emini, i cili është transferimi i fundit i klubit gjilanas.
Është vet klubi i Dritës që ka bërë zyrtar këtë transferim me anë të faqeve të fundit zyrtare, duke shkruar: “Mirë se erdhe kampion – Izair Emini”.
33-vjeçari në të kaluarën ka luajtur për Kukësin dhe Shkëndijën, ku me të dyja klubet ka fituar kampionatin, ndërsa për disa vite ishte edhe pjesë e Renovës. /Telegrafi/