Manchester City ka arritur ta bëjë transferimin e dytë pas atij të Ilkay Gundogan.
Ish-kampionët e Anglisë kanë transferuar mesfushorin australian, Aaron Mooy nga skuadra Melbourne City.
Mooy u transferua nga Melbourne City, skuadër e cila ka pronarin e njëjtë si të Manchester Cityt apo New York City.
Lexo më shumë: Lajmet e fundit nga Transferimet
25-vjeçari luan në pozitën e mesfushorit qendror dhe ofensivë, ndërsa ka pasur një stinor të jashtëzakonshëm në A-Leaguen australiane.
Në 24 ndeshje të zhvilluara, Mooy ka shënuar 11 gola dhe ka dhuruar 10 asistime, ndërsa ai është pjesë e rëndësishme edhe e Kombëtares së Australisë.
Mbetet të shihet nëse City do ta mbajë në skuadër australianin për edicionin 2016/17 apo do ta huazojë në ndonjë skuadër tjetër angleze. /Telegrafi/
