Vetëm disa ditë pasi u largua nga Drita, Bujar Shabani është bër me skuadër të re.
Mesfushori ferizajas do ta vazhdoj karrierën jashtë Kosovës, pasi është zyrtarizuar te FC Shkupi.
Ka qenë faqja zyrtare e klubit kryeqytetas që ka njoftuar afrimin e Shabanit.
“Të them të drejtën kisha biseduar me shumë njohës të futbollit lidhur me angazhimin tim eventual te Shkupi, të gjithë më kanë thënë fjalë shumë të mira, por vendimtar ishte vlerësimi nga ish-futbollisti i Shkupit Arsim Abazi, i cili më tha se Shkupi është klubi me traditë të gjatë dhe ekip që fiton tituj, andaj edhe nuk hezitova që të bëhem pjesë e kësaj skuadre”.
“Shumë shpejt jamë ambientuar dhe më kanë pritur shumë mirë në klub, si stafi i trajnerëve, bashklojtarët dhe kryesia”.
“Padyshim se do të japim maksimumin dhe më të mirën nga vetja në të gjitha ndeshjet, ndërsa më gëzon fakti se kampionati do të kthehet me publik dhe do të luajë para armatës më të fortë të tifozerisë shqiptare “Shvercerat”. Uroj të kemi paraqitje të mirë edhe në ndeshjet e Ligës së Evropës dhe kampionatin ta fillojmë me garën për titull”, ka thënë shtatlarti Shabani.
Kjo është aventura e dytë e Shabanit jashtë Kosovës, pasi më parë ka luajtur edhe te Skënderbeu. /Telegrafi/