Fiorentina ka nënshkruar zyrtarisht me sulmuesin Kevin-Prince Boateng nga Sassuolo në baza të përhershme.
Marrëveshja u konfirmua në faqen zyrtare të Fiorentina, me klubin që pagoi një milion euro për Boateng, i cili ka hedhur lapsin mbi letër në një kontratë dyvjeçare.
32-vjeçari është me përvojë jashtëzakonisht të madhe pas kohës së kaluar tek klube si Tottenham Hotspur, Borussia Dortmund, Schalke, Eintracht Frankfurt dhe Milan, duke fituar një Scudetto dhe Superkupë me këtë të fundit.
@KPBofficial è un calciatore viola!
Leggi il comunicato 👉 https://t.co/fX3CRlUD33#QuestaèFirenze#ForzaViola pic.twitter.com/ocorEPP7Yd— ACF Fiorentina (@acffiorentina) July 31, 2019
Ai shënoi pesë gola në 15 paraqitje për Sassuolo përpara se të kalonte gjysmën e dytë të sezonit të kaluar te Barcelona, ku luajti katër herë pa gjetur rrjetën.
Ai bëhet nënshkrimi i parë i madh i epokës Rocco Commisso në Artemio Franchi. /Telegrafi/